macam-macam macapat

ASMARADANA

Sepiku ing tengah wengi

Aku tansah kelingan

Saiki sing tak rasakne

Saya suwe saya cuwa

Aku kur basa pasrah

Kabeh rasamu nggo aku

Ora bisa tak rasakna

PANGKUR

 Ora wedhi nyawa ilang

 Nggo mbales dendam kang ana ing ati

 Gawe ora bisa turu

 Sing terus kepikiran

 Pinginku kuwi wis atos kaya watu

 Pancen angel gawe sirna

 Masia teka ing pati

MEGATRUH

Kok kaya ngene abote urip iku

Wis usaha ora kasil

Ndadekne atiku alum

Dhuh, nyapa kok ora kat wingi

Saiki gur plonga-plongo

POCUNG

Bali ngudi ilmu kok langsung turu

Ora ngganceng apa

Gawean mung wira-wiri

Dhuh cah bagus elinga marang wong tua

MASKUMAMBANG

 Wis suwi aku nunggu kowe ra tangi

 Agawe kuciwa

 Saiki kowe wis bali

 Lan dadi penghuni surga

KINANTHI

 Lagi dhek wingi ketemu

 Wis ngrasa kangen ing ati

 Masia kur sedhela

 Nanging tetep ana arti

 Ora pengen tak lalekna

 Tetep ana njero ati

SINOM

 Pangeran kang sipat murah(8/a)

 Njurungi kajating dasih(8/i)

 Ingkang temen tinemenan(8/a)

 Pan iku ujaring dalil(8/i)

 Nyatane ana ugi(7/i)

 Iya kiyageng ing Tarub(8/u)

 Wiwitane nenedha(7/a)

 Tan pedhot tumekeng siwi(8/i)

 Wayah buyut canggah warenge kang tempa(12/a)

GAMBUH

 Sekar gambuh ping catur

Kang cinatur polah kang kalantur

 Tanpa tutur katula-tula katali

 Kadaluarsa katutuh

 Kapatuh pandadi awon

DHANDHANGGULA

Jroning nampa pepesthen puniki

 Wajibira mung nuhoni dharma

 Apan wus dadi kodrate

 Lelaku jro lumaku

 Titi tata tatag ing batin

 Nggayuh yuning bebrayan

 lahir trusing kalbu

 Mula lumaku makarya

 Antepira sepi pamrih lahir bathin

 Makarya tan akarya

MIJIL

Apan uwus ubayèng narpati

 Rumeksèng kaprabon

 Kang wus tetep rumeksa ing akèh

 Kalaraning praja dèn pakéling

 Larapana ing sih

 Wadya saprajèku

DURMA

Kadya pinuh sariranya déning kang rah

 Wauta Sang Apekik

 Regawa kumesar

 Muring ring tyas mangarang

 Marang ngendi sira yayi

 Jurang hingungak

 Manawa tibèng trebis